licenses

ទំព័រដើម l អំពីយើង | ទំនាក់ទំនង | អ៊ីម៉ែល |

ព័ត៌មាន


Ü	ការណែនាំៈ
F	គោលការណ៍ណែនាំសម្រាប់ស្នើសុំអាជ្ញាប័ណ្ណរបស់អ្នកធ្វើសេវាកម្មអគ្គិសនី
F	ការណែនាំអ្នកប្រើប្រាស់អគ្គិសនីឲ្យយល់ដឹងពីសិទ្ធិរបស់ខ្លួនក្នុងការតវ៉ា ឬប្តឹងផ្តល់ចំពោះអ្នក ផ្គត់ផ្គង់អគ្គិសនី
F	សេចក្តីណែនាំចំពោះអ្នកវិនិយោគថ្មីដែលមានបំណងចង់ស្នើសុំអាជ្ញាប័ណ្ណសម្រាប់ធ្វើសេវាកម្ម អគ្គិសនីនៅព្រះរាជាណាចក្រកម្ពុជា
Ü	ប្រភេទអាជ្ញាប័ណ្ណៈ
	ច្បាប់ស្តីពីអគ្គិសនីនៃព្រះរាជាណាចក្រកម្ពុជា ផ្តល់សិទ្ធិឲ្យអាជ្ញាធរអគ្គិសនីកម្ពុជា ចេញនូវ អាជ្ញាប័ណ្ណដែល មានប្រភេទដូចខាងក្រោមៈ
១-	អាជ្ញាប័ណ្ណផលិតកម្មៈ បុគ្គលណាមួយដែលធ្វើសេវាកម្មផលិតអគ្គិសនីដើម្បីលក់ ត្រូវមាន អាជ្ញា ប័ណ្ណផលិតកម្ម ។ បុគ្គលណាដែលផលិតអគ្គិសនីដើម្បីបំរើឲ្យការប្រើប្រាស់ផ្ទាល់ខ្លួន មិនចាំបាច់ មានអាជ្ញាប័ណ្ណផលិតកម្មឡើយ ។
២-	អាជ្ញាប័ណ្ណបញ្ជូនៈ អ្នកកាន់អាជ្ញាប័ណ្ណបញ្ជូន មានសិទ្ធិធ្វើជាម្ចាស់ សិទ្ធិដំណើរការនិង សិទ្ធិគ្រប់ គ្រងលើមធ្យោ បាយបញ្ជូនអគ្គិសនី ដើម្បីផ្ទេរប្រគល់ ឫលក់អគ្គិសនីក្នុងបរិមាណធំ។ អាជ្ញាប័ណ្ណបញ្ជូនសំរាប់ បណ្តាញជាតិ បញ្ជូនអគ្គិសនីអាចផ្តល់ឲ្យ ក្រុមហ៊ុនបញ្ជូនអគ្គិសនីរបស់ រដ្ឋសំរាប់ ផ្តល់សេវា បញ្ជូនអគ្គិសនី នៅទូទាំងព្រះរាជាណាចក្រកម្ពុជា។ អាជ្ញាប័ណ្ណបញ្ជូនសំរាប់ គោលបំណង ពិសេសអាចចេញអោយដើម្បីគោលបំណងឲគេធ្វើជា ម្ចាស់ និងដំណើរការ មធ្យោបាយ បញ្ជូនជាកំណត់មួយ បើសិនជាមានផលប្រយោជន៍សាធារណៈ ។
៣-	អាជ្ញាប័ណ្ណបែងចែកៈ អាជ្ញាធរអគ្គិសនីអាចចេញអាជ្ញាប័ណ្ណបែងចែកឲ្យបុគ្គលណាមួយសំរាប់ឲ្យ គេផ្តល់សេវាបែង ចែកអគ្គិសនី លើប្រព័ន្ធអគ្គិសនីមួយ បើសិនជាប្រព័ន្ធនោះមានបណ្តាញបញ្ជូន តភ្ជាប់តំបន់ ចែកចាយ សំខាន់ៗ ច្រើន និងត្រូវការឲ្យមានធ្វើសេវាកម្ម បែងចែកដោយឡែក ។
៤-	អាជ្ញាប័ណ្ណចែកចាយៈ អ្នកកាន់អាជ្ញាប័ណ្ណចែកចាយមានសិទ្ធិធ្វើជាម្ចាស់ សិទ្ធិដំនើរការនឹងគ្រប់គ្រង ឬត្រួតពិនិត្យលើ មធ្យោបាយចែកចាយ អគ្គិសនី ដើម្បីផ្គត់ផ្គង់ និងលក់អគ៉្គិសនីឲ អ្នក ប្រើប្រាស់ ។
៥-	អាជ្ញាប័ណ្ណលក់ដុំៈ អ្នកកាន់អាជ្ញាប័ណ្ណលក់ដុំមានសិទ្ធិទិញអគ្គិសនីពីអ្នកកាន់អាជ្ញាប័ណ្ណ ផលិតកម្ម ឬពីប្រព័ន្ធ អគ្គិសនីនៃប្រទេសជិតខាងណាមួយ ដើម្បីលក់អោយអ្នកកាន់អាជ្ញាប័ណ្ណចែកចាយ ឬអ្នកប្រើ ប្រាស់ធំៗនៅក្នុងប្រព័ន្ធអគ្គិសនីជាប់គ្នាមួយ ។
៦-	អាជ្ញាប័ណ្ណលក់រាយៈ អ្នកកាន់អាជ្ញាប័ណ្ណលក់រាយមានសិទ្ធិធ្វើការលក់អគ្គិសនីឲ្យអ្នកប្រើប្រាស់ ក្នុងផ្ទៃដីជាប់គ្នាមួយ ក្នុងក្របខ័ណ្ឌ កិច្ចសន្យាបន្តពីក្រុមហ៊ុនសេវាកម្មអគ្គិសនីដែលមានអាជ្ញាប័ណ្ណចេញដោយ អាជ្ញាធរ ។
៧-	អាជ្ញាប័ណ្ណសេវាកម្មបន្តៈ អ្នកកាន់អាជ្ញាប័ណ្ណសេវាកម្មបន្ត មានសិទ្ធិផ្គត់ផ្គង់សេវាកម្មអគ្គិសនី ស្របតាមកិច្ចសន្យាបន្ត ជាមួយអ្នកដែលមានអាជ្ញាប័ណ្ណស្រាប់ ។
៨-	អាជ្ញាប័ណ្ណរួមៈ អ្នកកាន់អាជ្ញាប័ណ្ណរួម ជាប្រភេទអាជ្ញាប័ណ្ណមួយដែលរួមបញ្ជូលអាជ្ញាប័ណ្ណមួយចំនួន ឬទាំង អស់។ អាជ្ញាប័ណ្ណរួម អាចចេញអោយអគ្គិសនីកម្ពុជា ឬប្រព័ន្ធទោលដើម្បីផ្តល់សិទ្ធិឲផលិត បញ្ជូន បែងចែក ចែកចាយ និង លក់ អគ្គិសនីអោយអ្នកប្រើប្រាស់ ។
Ü	កម្រៃអាជ្ញាប័ណ្ណៈ
	មាត្រា២៧ នៃច្បាប់ស្តីពីអគ្គីសនីនៃព្រះរាជាណាចក្រកម្ពុជាបានចែងថា អាជ្ញាធរអគ្គិសនីកម្ពុជា មានថវិកាស្វយ័តមួយសំរាប់កិច្ចប្រតិបត្តិការរបស់ខ្លួន។ថវិកានេះគឺកម្រៃដែលអ្នកសុំអាជ្ញា ប័ណ្ណនិងអ្នកកាន់អាជ្ញាប័ណ្ណត្រូវបង់ តាមការកំណត់របស់អាជ្ញាធរអគ្គិសនីកម្ពុជា។ កម្រៃនេះ ហៅថា កម្រៃអាជ្ញាប័ណ្ណ ។ ថវិការបស់អាជ្ញាធរអគ្គិសនីកម្ពុជា ត្រូវតំកល់ក្នុងគណនីមួយ នៅ ធនាគាររបស់រដ្ឋក្នុងព្រះរាជាណាចក្រកម្ពុជា។ មានតែអាជ្ញាធរអគ្គិសនីកម្ពុជាទេដែលមានសិទ្ធិ ប្រើប្រាស់ថវិកានេះ ។
	កម្រិតអតិបរមានៃកម្រៃអាជ្ញាប័ណ្ណ ត្រូវកំណត់ដោយអនុក្រឹត ។ ក្នុងករណីមានសំណល់ថវិកា នៅដំណាច់ឆ្នាំណាមួយ អាជ្ញាធរអគ្គិសនីកម្ពុជាត្រូវផ្ទេរសំណល់ថវិកានេះទៅប្រើប្រាស់ សម្រាប់គំរោងថវិកាឆ្នាំបន្ទាប់ទៀត ។ ចំពោះសំណល់ថវិកា ឬ កង្វះថវិកាដូចមានចែងក្នុងវាក្យ ខ័ណ្ឌខាងលើ អាជ្ញាធរអគ្គិសនីកម្ពុជា ត្រូវកែសំរួលកំរៃអាជ្ញាប័ណ្ណឡើងវិញសំរាប់គម្រោង ថវិកាឆ្នាំបន្ទាប់ ។ ក្នុងករណីកែសំរួលកំរៃអាជ្ញាប័ណ្ណរហូតដល់កំរិតអតិបរមារួចហើយ ប៉ុន្តែនៅ តែពុំ អាចទ្រទ្រង់កិច្ចប្រតិបត្តិការណ៏របស់ខ្លួន ព្រមទាំងសងបំណុលរួមទាំងការប្រាក់បាន អាជ្ញាធរអគ្គិសនីកម្ពុជា ត្រូវធ្វើសំណើទៅរាជរដ្ឋាភិបាល ដើម្បីពិនិត្យសម្រេចកម្រិតអតិបរមា នៃកម្រៃអាជ្ញាប័ណ្ណជាថ្មីឡើងវិញ។ កិច្ចប្រតិបត្តិការហិរញ្ញវត្ថុ និងគណនីរបស់អាជ្ញាធរអគ្គិសនី កម្ពុជា ត្រូវប្រតិបត្តិតាមប្រព័ន្ធគណនីសាធារណៈ ។
	កម្រៃអាជ្ញាប័ណ្ណអតិបរិមាបានត្រូវគំណត់ដោយអនុក្រឹត្យលេខ ១៣១ អនក្រ.នប ចុះថ្ងៃទី ២៧ ខែធ្នូ ឆ្នាំ២០០១ ដែលមានខ្លឹមសារដូចខាងក្រោមៈ
១-	កម្រៃស្នើសុំអាជ្ញាប័ណ្ណៈ
ក-	ចំពោះការស្នើសុំអាជ្ញាប័ណ្ណធ្វើសេវាកម្មអគ្គិសនីដែលមានលក្ខណៈអនុគ្រោះ (អគ្គិសនីជនបទ) កម្រៃស្នើសុំអាជ្ញាប័ណ្ណ មិនត្រូវលើសពីហាសិបពាន់រៀល (៥០,០០០រៀល) ក្នុងអាជ្ញាប័ណ្ណ មួយ។
ខ-	ចំពោះការស្នើសុំអាជ្ញាប័ណ្ណ ធ្វើសេវាកម្មអគ្គិសនីធុនតូច តូចជាងប្រាំរយ (៥០០) គីឡូវ៉ាត់ កម្រៃស្នើសុំអាជ្ញាប័ណ្ណមិនត្រូវលើសពីមួយរយពាន់រៀល (១០០,០០០រៀល) ក្នុងអាជ្ញាប័ណ្ណ មួយ ។
គ-	ចំពោះការស្នើសុំអាជ្ញាប័ណ្ណធ្វើសេវាកម្មអគ្គិសនីធុនមធ្យម ពីប្រាំរយ (៥០០) ទៅបីពាន់(៣០០០) គីឡូវ៉ាត់ កម្រៃស្នើសុំអាជ្ញាប័ណ្ណមិនត្រូវលើសពីប្រាំមួយរយពាន់រៀល (៦០០,០០០រៀល) ក្នុងអាជ្ញាប័ណ្ណមួយ ។
ឃ-	ចំពោះការស្នើសុំអាជ្ញាប័ណ្ណ ធ្វើសេវាកម្មអគ្គិសនីធុនធំ លើសពីបីពាន់ (៣០០០) គីឡូវ៉ាត់ កំរៃ ស្នើសុំអាជ្ញាប័ណ្ណមិនត្រូវលើសពីមួយលានរៀន (១,០០០,០០០រៀល) ក្នុងអាជ្ញាប័ណ្ណមួយ ។
២-	កម្រៃអាជ្ញាប័ណ្ណៈ
ក-	ការផលិតអគ្គិសនី ឫការទិញអគ្គិសនីពីក្រៅប្រទេសៈ កម្រៃអាជ្ញាប័ណ្ណធ្វើសេវាកម្មមិនត្រូវ លើស ពី ១,៧០រៀលក្នុង ១ គីឡូវ៉ាត់ម៉ោងនៃថាមពលបញ្ចោញ ឫទិញចូលឡើយ ។
ខ-	ការបញ្ជូនអគ្គិសនីៈ កម្រៃអាជ្ញាប័ណ្ណធ្វើសេវាកម្មមិនត្រូវលើសពី ០,៧០រៀលក្នុង ១គីឡូវ៉ាត់ ម៉ោង នៃថាមពលបញ្ជូនឡើយ ។
គ-	ការចែកចាយ និងលក់អគ្គិសនីៈ កម្រៃអាជ្ញាប័ណ្ណធ្វើសេវាកម្ម មិនត្រូវលើសពី ១,២០រៀល ក្នុង ១គីឡូវ៉ាត់ម៉ោង នៃថាមពលលក់ឡើយ ។
ឃ-	ការធ្វើសេវាកម្មលក់រាយៈ កម្រៃអាជ្ញាប័ណ្ណធ្វើសេវាកម្ម មិនត្រូវលើសពី ០,៥០រៀល ក្នុង១ គីឡូវ៉ាត់ម៉ោង នៃថាមពលលក់ឡើយ ។
ង-	ការធ្វើសេវាកម្មក្រោមអាជ្ញាប័ណ្ណផ្សេងៗទៀតៈ កម្រៃអាជ្ញាប័ណ្ណធ្វើសេវាកម្ម មិនត្រូវលើសពី ០,១០ភាគរយ នៃថ្លៃសេវាកម្មឡើយ ។
	ការកំណត់កម្រៃអាជ្ញាប័ណ្ណដោយអាជ្ញាធរអគ្គិសនីកម្ពុជាៈ
	អាជ្ញាធរអគ្គិសនីកម្ពុជាបានកំណត់កម្រៃអាជ្ញាប័ណ្ណ សម្រាប់ឆ្នាំ២០០៥ ដូចខាងក្រោមៈ
ក-	ការផលិតអគ្គិសនី ឫការទិញអគ្គិសនីពីក្រៅប្រទេសៈ ១,៥០រៀល ក្នុង ១គីឡូវ៉ាត់ម៉ោងនៃថាម ពល បញ្ចោញឫទិញចូល ។
ខ-	ការបញ្ជូនអគ្គិសនីៈ ០,៥០រៀល ក្នុង ១ គីឡូវ៉ាត់ម៉ោង នៃថាមពលបញ្ជូន ។
គ-	ការចែកចាយ និងលក់អគ្គិសនីៈ ០,៩០រៀល ក្នុង ១ គីឡូវ៉ាត់ម៉ោង នៃថាមពលលក់ ។
ឃ-	ការធ្វើសេវាកម្មលក់រាយៈ ០,៥០រៀល ក្នុង ១ គីឡូវ៉ាត់ម៉ោង នៃថាមពលលក់ ។
ង-	ការធ្វើសេវាកម្មក្រោមអាជ្ញាប័ណ្ណផ្សេងៗទៀតៈ កម្រៃអាជ្ញាប័ណ្ណធ្វើសេវាកម្ម មិនត្រូវលើសពី ០,១០ភាគរយនៃថ្លៃសេវាកម្ម ។
	អាជ្ញាធរអគ្គិសនីកម្ពុជាបានកំណត់កម្រៃស្នើសុំអាជ្ញាប័ណ្ណ សម្រាប់ឆ្នាំ២០០៥ ដូចខាងក្រោម
ក-	ចំពោះការស្នើសុំអាជ្ញាប័ណ្ណ ធ្វើសេវាកម្មអគ្គិសនីដែលមានលក្ខណៈអនុគ្រោះ (អគ្គិសនីជនបទ) កំរៃស្នើសុំអាជ្ញាប័ណ្ណស្មើនឹង ហាសិបពាន់រៀល (៥០,០០០) ក្នុងអាជ្ញាប័ណ្ណមួយ ។
ខ-	ចំពោះការស្នើសុំអាជ្ញាប័ណ្ណ ធ្វើសេវាកម្មអគ្គិសនីធុនតូច តូចជាងប្រាំរយ (៥០០) គីឡូវ៉ាត់ កំរៃស្នើសុំ អាជ្ញាប័ណ្ណស្មើនឹង មួយរយពាន់រៀល (១០០,០០០) ក្នុងអាជ្ញាប័ណ្ណមួយ ។
គ-	ចំពោះការស្នើសុំអាជ្ញាប័ណ្ណ ធ្វើសេវាកម្មអគ្គិសនីធុនមធ្យម ពីប្រាំរយ (៥០០) ទៅបីពាន់ (៣០០០) គីឡូវ៉ាត់ កំរៃស្នើសុំអាជ្ញាប័ណ្ណស្មើនឹង ប្រាំមួយរយពាន់រៀល (៦០០,០០០) ក្នុងអាជ្ញាប័ណ្ណមួយ ។
ឃ-	ចំពោះការស្នើសុំអាជ្ញាប័ណ្ណ ធ្វើសេវាកម្មអគ្គិសនីធុនធំ លើសពីបីពាន់ (៣០០០) គីឡូវ៉ាត់ កំរៃស្នើ សុំអាជ្ញាប័ណ្ណស្មើនឹង មួយលានរៀល (១,០០០,០០០) ក្នុងអាជ្ញាប័ណ្ណមួយ ។

Ü	ព័ត៌មានស្តីពីការចេញអាជ្ញាប័ណ្ណៈ
	សូមចុច ទីនេះ ដើម្បីមើលព័ត៌មានលំអិត។

Ü	ការវិភាគលើការគណនាថ្លៃលក់អគ្គិសនីៈ
F	ការវិភាគរបស់អាជ្ញាធរអគ្គិសនីកម្ពុជាលើការគណនាថ្លៃលក់អគ្គិសនី សម្រាប់តំបន់ចែកចាយ ថ្មី របស់អគ្គិសនីកម្ពុជា នៅទីរួមខេត្តបន្ទាយមានជ័យ
F	ការវិភាគរបស់អាជ្ញាធរអគ្គិសនីកម្ពុជាលើការគណនាថ្លៃលក់អគ្គិសនី សម្រាប់តំបន់ចែកចាយ ថ្មី របស់អគ្គិសនីកម្ពុជា នៅទីរួមខេត្តកំពង់ស្ពឺ
F	ការវិភាគរបស់អាជ្ញាធរអគ្គិសនីកម្ពុជាលើការគណនាថ្លៃលក់អគ្គិសនី សម្រាប់តំបន់ចែកចាយ ថ្មី របស់អគ្គិសនីកម្ពុជា នៅទីរួមខេត្តកំពត
F	ការវិភាគរបស់អាជ្ញាធរអគ្គិសនីកម្ពុជាលើការគណនាថ្លៃលក់អគ្គិសនី សម្រាប់តំបន់ចែកចាយ ថ្មី របស់អគ្គិសនីកម្ពុជា នៅទីរួមខេត្តព្រៃវែង
F	ការវិភាគរបស់អាជ្ញាធរអគ្គិសនីកម្ពុជាលើការគណនាថ្លៃលក់អគ្គិសនី សម្រាប់តំបន់ចែកចាយ ថ្មី របស់អគ្គិសនីកម្ពុជា នៅទីរួមខេត្តស្ទឹងត្រែង
F	ការវិភាគរបស់អាជ្ញាធរអគ្គិសនីកម្ពុជាលើការគណនាថ្លៃលក់អគ្គិសនី សម្រាប់តំបន់ចែកចាយ ថ្មី របស់អគ្គិសនីកម្ពុជា នៅទីរួមខេត្តស្វាយរៀង
F	ការវិភាគរបស់អាជ្ញាធរអគ្គិសនីកម្ពុជាលើការគណនាថ្លៃលក់អគ្គិសនី សម្រាប់តំបន់ចែកចាយ ថ្មី របស់អគ្គិសនីកម្ពុជា នៅទីរួមខេត្តតាកែវ និងអង្គតាសោម

ព័ត៌មាន

ប្រកាសព័ត៌មាន

អាជ្ញាប័ណ្ណ

ច្បាប់-បទបញ្ញត្តិ

ស្តង់ដារសេវាកម្ម

របាយការណ៍

ឯកសារផ្សព្វផ្សាយ

ផែនទី

តំណភ្ជាប់

ចំនួនអ្នកទស្សនា

18961

©២០០៣-២០០៩. រក្សាសិទ្ធិគ្រប់យ៉ាងដោយអាជ្ញាធរអគ្គិសនីកម្ពុជា