អាជ្ញាប័ណ្ណផលិតកម្មៈ  បុគ្គលណាមួយដែលធ្វើសេវាកម្មផលិតអគ្គិសនីដើម្បីលក់ ត្រូវមានអាជ្ញាប័ណ្ណផលិតកម្ម ។ បុគ្គលណាដែលផលិតអគ្គិសនីដើម្បីបំរើឲ្យការប្រើប្រាស់ផ្ទាល់ខ្លួន មិនចាំបាច់ មានអាជ្ញាប័ណ្ណផលិតកម្មឡើយ ។

អាជ្ញាប័ណ្ណបញ្ជូនៈ  អ្នកកាន់អាជ្ញាប័ណ្ណបញ្ជូន មានសិទ្ធិធ្វើជាម្ចាស់ សិទ្ធិដំណើរការនិង សិទ្ធិគ្រប់ គ្រងលើមធ្យោបាយ បញ្ជូនអគ្គិសនី ដើម្បីផ្ទេរប្រគល់ ឫលក់អគ្គិសនីក្នុងបរិមាណធំ។ អាជ្ញាប័ណ្ណបញ្ជូនសំរាប់បណ្តាញជាតិបញ្ជូនអគ្គិសនី អាចផ្តល់ឲ្យក្រុមហ៊ុនបញ្ជូនអគ្គិសនីរបស់រដ្ឋសំរាប់ផ្តល់សេវាបញ្ជូនអគ្គិសនី នៅទូទាំងព្រះរាជាណាចក្រកម្ពុជា។ អាជ្ញាប័ណ្ណបញ្ជូនសំរាប់គោលបំណងពិសេស អាចចេញឱ្យដើម្បីគោលបំណងឱ្យគេធ្វើជាម្ចាស់ និងដំណើរការ មធ្យោបាយបញ្ជូនជាកំណត់មួយ បើសិនជាមានផលប្រយោជន៍សាធារណៈ ។

អាជ្ញាប័ណ្ណបែងចែកៈ  អាជ្ញាធរអគ្គិសនីអាចចេញអាជ្ញាប័ណ្ណបែងចែកឲ្យបុគ្គលណាមួយសំរាប់ឲ្យ គេផ្តល់សេវាបែងចែក អគ្គិសនីលើប្រព័ន្ធអគ្គិសនីមួយ បើសិនជាប្រព័ន្ធនោះមានបណ្តាញបញ្ជូន តភ្ជាប់តំបន់ចែកចាយសំខាន់ៗ ច្រើន និងត្រូវ ការឲ្យមានធ្វើសេវាកម្មបែងចែកដោយឡែក ។

អាជ្ញាប័ណ្ណចែកចាយៈ អ្នកកាន់អាជ្ញាប័ណ្ណចែកចាយមានសិទ្ធិធ្វើជាម្ចាស់ សិទ្ធិដំនើរការនឹងគ្រប់គ្រង ឬត្រួតពិនិត្យលើ មធ្យោបាយចែកចាយអគ្គិសនី ដើម្បីផ្គត់ផ្គង់និងលក់អគ៉្គិសនីឲ្យអ្នកប្រើប្រាស់ ។

អាជ្ញាប័ណ្ណលក់ដុំៈ អ្នកកាន់អាជ្ញាប័ណ្ណលក់ដុំមានសិទ្ធិទិញអគ្គិសនីពីអ្នកកាន់អាជ្ញាប័ណ្ណផលិតកម្ម ឬពីប្រព័ន្ធអគ្គិសនី នៃប្រទេសជិតខាងណាមួយ ដើម្បីលក់ឱ្យអ្នកកាន់អាជ្ញាប័ណ្ណចែកចាយ ឬអ្នកប្រើ ប្រាស់ធំៗនៅក្នុងប្រព័ន្ធអគ្គិសនី ជាប់គ្នាមួយ ។

អាជ្ញាប័ណ្ណលក់រាយៈ អ្នកកាន់អាជ្ញាប័ណ្ណលក់រាយមានសិទ្ធិធ្វើការលក់អគ្គិសនីឲ្យអ្នកប្រើប្រាស់ ក្នុងផ្ទៃដីជាប់គ្នាមួយ ក្នុងក្របខ័ណ្ឌ កិច្ចសន្យាបន្តពីក្រុមហ៊ុនសេវាកម្មអគ្គិសនីដែលមានអាជ្ញាប័ណ្ណចេញដោយអាជ្ញាធរអគ្គិសនីកម្ពុជា ។

អាជ្ញាប័ណ្ណសេវាកម្មបន្តៈ  អ្នកកាន់អាជ្ញាប័ណ្ណសេវាកម្មបន្ត មានសិទ្ធិផ្គត់ផ្គង់សេវាកម្មអគ្គិសនី ស្របតាមកិច្ចសន្យាបន្ត ជាមួយអ្នកដែលមានអាជ្ញាប័ណ្ណស្រាប់ ។

អាជ្ញាប័ណ្ណរួមៈ  អ្នកកាន់អាជ្ញាប័ណ្ណរួម ជាប្រភេទអាជ្ញាប័ណ្ណមួយដែលរួមបញ្ជូលអាជ្ញាប័ណ្ណមួយចំនួន ឬទាំងអស់។ អាជ្ញាប័ណ្ណរួម អាចចេញឱ្យអគ្គិសនីកម្ពុជា ឬប្រព័ន្ធទោលដើម្បីផ្តល់សិទ្ធិឲផលិត បញ្ជូន បែងចែក ចែកចាយ និង លក់ អគ្គិសនីអោយអ្នកប្រើប្រាស់៕