Electricity Authority of Cambodia

អ្នកទស្សនាៈ

32308

ច្បាប់ស្តីពីអគ្គិសនីគឺជាឯកសារគោលក្នុងការបញ្ញត្តិលើរាល់សកម្មភាពទាំងអស់ក្នុងវិស័យអគ្គិសនី និង ជាមូលដ្ឋានគោលក្នុងការរៀបចំលិខិតបទដ្ឋានដ៏ទៃទៀតសម្រាប់គ្រប់គ្រងនិងបញ្ញត្តិវិស័យអគ្គិសនីដែរ។

លិខិតបទដ្ឋានរបស់រាជរដ្ឋាភិបាលគឺជាឯកសារសម្រាប់កំណត់គោលនយោបាយវិស័យអគ្គិសនី និង សម្រាប់បញ្ញត្តិលើសកម្មភាពក្នុងវិស័យអគ្គិសនីដែលច្បាប់អគ្គិសនីបានកំណត់។ គោលការណ៍គន្លឹះសំខាន់ៗ នៃវិស័យអគ្គិសនីដែលពុំទាន់មានកំណត់នៅក្នុងច្បាប់ ក៏អាចដាក់ឱ្យប្រើប្រាស់ដោយលិខិតបទដ្ឋានរបស់រាជ រដ្ឋាភិបាលដែរ។ លិខិតបទដ្ឋានរបស់រាជរដ្ឋាភិបាលរួមមាន អនុក្រឹត្យ សេចក្តីសម្រេច សេចក្តីជូនដំណឹង។

លិខិតបទដ្ឋានរបស់ក្រសួងឧស្សាហកម្ម រ៉ែ និងថាមពល រួមមាន ប្រកាស និងសេចក្តីសម្រេច គឺជា ឯកសារសម្រាប់គ្រប់គ្រងការងារទាំងឡាយដូចជា គោលនយោបាយ ផែនការអភិវឌ្ឍន៍យុទ្ធសាស្ត្រ ស្តង់ដារ បច្ចេកទេសអគ្គិសនី និងការកំណត់ផ្សេងៗទៀត។

លិខិតបទដ្ឋានរបស់អាជ្ញាធរអគ្គិសនីកម្ពុជា គឺជាឯកសារសម្រាប់គ្រប់គ្រងនិងបញ្ញត្តិលើការធ្វើសេវាកម្ម និងប្រើប្រាស់អគ្គិសនីនៅក្នុងព្រះរាជាណាចក្រកម្ពុជា។ លិខិតបទដ្ឋានទាំងនេះរួមមាន៖អាជ្ញាប័ណ្ណ បទបញ្ញត្តិ នីតិវិធី និងសេចក្តីសម្រេច ដែលអាជ្ញាធរអគ្គិសនីកម្ពុជាមានកាតព្វកិច្ចត្រូវចេញក្នុងក្របខ័ណ្ឌ ច្បាប់ស្តីពី អគ្គិសនី។