មធ្យោបាយបញ្ជូននិងចែកចាយអគ្គិសនីដែលមានផែនការនិងសាងសង់ព្រមទាំងដាក់ឱ្យដំណើរការ នៅក្នុងព្រះរាជា ណាចក្រកម្ពុជា ត្រូវគោរពតាមស្តង់ដារបច្ចេកទេសអគ្គិសនីនៃព្រះរាជាណាចក្រកម្ពុជា។ ក្នុង ករណីដែលបញ្ហាណាមួយ មិនមានចែងក្នុងស្តង់ដារបច្ចេកទេសនេះទេ ត្រូវគោរពតាមស្តង់ដារគណៈកម្មការ បច្ចេកទេសអគ្គិសនីអន្តរជាតិ (IEC) ។ ប្រសិនបើបញ្ហានេះមិនមានកំណត់នៅក្នុងស្តង់ដារ IEC ទេនោះ ពេល នោះត្រូវគោរពតាមស្តង់ដារអង្គការអន្តរជាតិ ISO។ ប្រសិនបើបញ្ហានេះនៅតែមិនមានកំណត់នៅក្នុងស្តង់ដារ ណាមួយដែលមានការទទួលស្គាល់ជាអន្តរជាតិ ក្នុងល័ក្ខខ័ណ្ឌ ដែលមានការយល់ព្រមពីក្រសួងឧស្សាហកម្ម រ៉ែ និងថាមពល។

        ល័ក្ខខ័ណ្ឌទាំងឡាយដែលកំណត់នៅក្នុងស្តង់ដារនេះ មានគោលបំណងសំខាន់បំផុតគឺធ្វើយ៉ាងណា កុំឱ្យគ្រោះថ្នាក់ដល់មធ្យោបាយអគ្គិសនីនិងមានសុវត្ថិភាពក្នុងដំណើរការមធ្យោបាយអគ្គិសនីនោះ។

        ស្តង់ដារបច្ចេកទេសអគ្គិសនីដែលបានប្រកាសដាក់ឱ្យប្រើប្រាស់មានដូចខាងក្រោម៖

Ü	ល័ក្ខខ័ណ្ឌលំអិតសម្រាប់មធ្យោបាយផលិតកម្មឧណ្ហអគ្គិសនី
Ü	ល័ក្ខខ័ណ្ឌលំអិតសម្រាប់មធ្យោបាយបញ្ជូននិងចែកចាយអគ្គិសនី
Ü	ល័ក្ខខ័ណ្ឌទូទៅនៃស្តង់ដារបច្ចេកទេសអគ្គិសនីក្នុងព្រះរាជាណាចក្រកម្ពុជា
Ü	បទបញ្ញត្តិស្តីពីស្តង់ដារប្រតិបត្តិទូទៅសម្រាប់អ្នកផ្គត់ផ្គង់អគ្គិសនី ក្នុងព្រះរាជាណាចក្រកម្ពុជា
Ü	ស្តង់ដារបច្ចេកទេសអគ្គិសនីនៃព្រះរាជាណាចក្រកម្ពុជា